كلام كبير للأسف هذا حالنا ....~! طاح الحطب وحلوه الحياة
كلام كبير للأسف هذا حالنا ....~!
المشهد الاول
وحدة حلوة مرة وحبيبة
بس تخون
ايش اسوي بجمالها ؟
حياخذها الزمان و تصير عجوزة
عادي........طاح الحطب.......... و حلوة الحياة
المشهد الثاني
ملتزم يصلي كل الفروض
و إذا تعب فوت صلاة الفجر
وإذا شبع راحت صلاة العصر
و عنده دش و يكذب كثير
و إذا صحى الصبح مشط اللحية
عادي........طاح الحطب........... و حلوة الحياة
المشهد الثالث
غني و ظالم يطرد المساكين
و يستغل الضعاف
مغرور و فاسق
و مجلسه عامر
الكلٍ يبهر له
و مع ذلك يجمع حسنات من كثر اللي يسبوه
عادي.........طاح الحطب.......... و حلوة الحياة
المشهد الرابع
يتعب في الدراسة و يشتغل
عشان يبني مستقبله
أتزوج و جاب أولاد وأتقاعد
صار يسكن في مكان و أم أولاده في مكان
والسبب الأولاد
صار دار المسنين بيتهم
عادي........طاح الحطب.......... و حلوة الحياة
المشهد الخامس
تغازل و تاخذ أرقام
و تطلع مع فلان و تواعد علان
و يوم طاح الفاس في الراسبكت
و راحت تشكي لأمها غدر الزمان
طبطبت عليها أمها وقالت:
ولا يهمك سفرة لمصر وشوية سيولة
و ترجعي بنت
عادي........طاح الحطب.......... و حلوة الحياة
المشهد السادس
مرفوع الكفن أبيض
وصاحبه وسط البياض
بعضهم يبكي و بعضهم عادي
دفنوه وحزنوا عليه شويه
و أخر الليل سكارى
عادي........طاح الحطب.......... و حلوة الحياة
المشهد السابع
سيارة مسرعة
و تدعس لها واحد
مسكين هندي
و العسكري صديق الطايش
والخطأ نصه على الهندي
والباقي على أبو الطايش
و في الليل الطايش يلعب بلوت
عادي........طاح الحطب.......... و حلوة الحياة
المشهد الثامن
قارورة مويه
ما تضره طايحة في السيارة
يطالع فيها بغضب زعلان منها
و يفتح الشباك و رماها وسط الطريق
واذا اجتمع مع الشباب قال:
متى بنتحضر
عادي........طاح الحطب........... و حلوة الحياة
المشهد التاسع
أهم شي الثوب نظيف و الشماغ مكوي
و القلم ماركة والساعة تضوي
و الجزمة جلد والسيارة عجب
و تلفونه ما يسكت
إما بنات أو البنوك اللي تبغى فلوسها
عادي.........طاح الحطب.......... و حلوة الحياة
المشهد العاشر
سطحية و مغرورة
غبية و متكبرة و يا ريتها حلوة
تبغى زوج مواصفات
ما يقول لا ويكره الاستراحات
لازم وسيم و أنيق و متعلم و دخله ممتاز
و يحب السفر
و بعد سنين تلاقي نفسها في الانترنت
تدور واحد يقبل فيها
عادي........طاح الحطب.......... و حلوة الحياة
المشهد الحادي عشر
فتح الكمبيوتر
و دخل على المنتدى و كلامه ما يتعدى إن الموضوع روعة و رهيب
و هو ما قراه و لا يعرف كاتبه
بس يبغى يزيد المواضيع موضوع
ويزيد همومنا هم
عشان يصير صاحب الألف موضوع
و يتميز
والمشكلة انه يتميز
عادي........طاح الحطب.......... و حلوة الحياة
المشهد الأخير
الكذب إثم ومع ذلك نستخدمه
و ندري إن هذا حرام و مع ذلك نجربه
نتذكر السهرة و الفرح و السفر
و ننسى الجالسين على كتوفنا
و نتناسى إن معاهم كتاب يسجل أفعالنا و نياتنا
كل شي محسوب
حتى النظر
نسينا إن ورانا يوم علاماته قربت
ومع ذلك كلنا ناسين
أن بقيت على حالك تتناسى لازم تعرف
إن ذاك اليوم ماهو عادي
وانت الحطب
و ما به حياة
وتمنياتنا لكم قضآء اجمل الآوقآت
موضوع: كلام كبير.. للأسف هذا حالنا 
السبت أبريل 10, 2010 1:37 pm
